今日去左踏單車, 好耐都冇踏過了 , 好舒服 , 將所有工作都放埋一邊 , 享受清新空氣 , 海風 , 唔需要用腦 , 雖然只係一日 ,不過經已好滿足了 .

 明天要又開始工作了 , 繼續努力 , 開張的事總算攪好 , 好多需要用的物品都買好 , 現在需要做 ,就係點樣攪好 EDF , 唔單只要用身體跳舞同體力咁簡單 , 還要用腦 , 還需要時間去學習 , 每一步都要走得很小心 ,  因為每一個決定都好重要 , 只要下錯決定, 可能會冇左一個機會 ....

 又大一年 ..... 30歲了 , 三字頭 , 係唔係代表我已經係一個中男 =.= ,個名有o的可怕 , 今年生日, 唔知點解自己都冇乜期望 ,  冇諗過要點慶祝 , 反而想留起屋企訓覺 , 不過一班好鍚我的學生同一班朋友 ,幫我攪左一個神秘生日會 , 事先冇同我講 , 去到先知道 , 大家真係好鍚我 , 其實我又唔係一個乜野特別的人 , 大家都對的咁好 , 我真係要好好珍惜 , 琴晚同好多人講 , 多謝你地為我攪這個生日會 , 大家都同我講 , 係你應得的 , 講真一句 , 真係唔係應得的 , 最近我發覺 ,每一樣野都唔係應得的 , 冇一樣野你會永遠擁有 , 唔知點解大家為我攪一個生日會 , 其實應該係好開心 ,不過唔知點解我反而唔開心 , 好想另自己飲醉 , 一訓就訓到唔起身 , 可能最近真係太多野要攪 , 感到壓力 ,而冇法投入 , 好想學會放低一點固執 ,好想放低一o的自以為應該 ,但其實唔係的事 , 好想學會唔好被人影響 .

 做所有決定之前都要 ,停一停 ,諗一諗 , 想一想 , 再想一想 , 唔好心急 , 記緊 .....

 要訓了 ,好似好多野都未做 , 但係唔訓又唔得 , 時間可唔可以多一點,同埋可唔可以另我唔會累 .

 幾經波折 ,  終於搵到地方了 , 煩左一個月 , 辛苦左一個月 , 好似攪到自己心力攪碎 , 現在終於可以放低左一個心頭大石 , 不過 .......相信現在先係真正開始 , 現在心情真係勁緊張 , 連發夢都不停地諗緊 ,  心急的我 , 真係好想知道自己兩年後會變成點 ,  唔知會係成功 , 還是失敗 .......

  EDF 終於正式成立 , 上一年的9月 , 係我第一次買樓 , 今年9月,係我第一次擁有自己的Studio , 我下一個目標係買一個商業大廈單位 , 唔知今次這個目標 , 我需要用幾耐時間先可以達成 .............

  現在要做的要開始計劃下一步 , 感覺要應付的工作將會多之又多 , 我都要俾自己一個心理準備 ,  過埋今個月我就30歲了 , 時間過得真快 , 不經不覺自己都開始長大了 .... =.= 唔想用個老字去形容自己 ,   我都係時候再向前衝 ,  現在跳舞已經唔係我的職業 , 已經變成我的事業了 , 5年前我還問緊要自己 , 跳舞的人係唔係唔可以有事業 , 因為眼見太多師兄跳到某個年齡就會轉去唔同的工作 , 同跳舞係兩個好唔同的職業 , 又諗緊如果我唔跳舞可以做乜野 , 現在我有答案了 , 跳舞係可以變成事業 , 不過唔代表變成事業後唔會失敗 , 所以我要更加努力 , 因為我唔想係失敗o個個 ...................

  I Love EDF